مومن ایکدوسرے کے بھائی ہیں ۔

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ(حجرات:۱۰)

مومنین تو بس آپس میں بھائی بھائی ہیں، لہٰذا تم لوگ اپنے دو بھائیوں کے درمیان صلح کرا دو اور اللہ سے ڈرو تاکہ تم پر رحم کیا جائے۔

وَ الۡمُؤۡمِنُوۡنَ وَ الۡمُؤۡمِنٰتُ بَعۡضُہُمۡ اَوۡلِیَآءُ بَعۡضٍ (توبہ :۷۱)

اور مومن مرد اور مومنہ عورتیں ایک دوسرے کے بہی خواہ ہیں

مومن کی حرمت اور اس کی محبت و خیر خواہی

امام صادق سے منقول ہے کہ آپ نے فرمایا: کسی چیز کے ذریعہ خدا کی عبادت نہیں کی گئی جو کہ مومن کا حق ادا کرنے سے افضل ہو۔ نیز فرمایا: بیشک خدا وند عالم کی بہت سی حرمتیں ہیں مثلاً کتابِ خدا کی حرمت، رسولۖ کی حرمت، بیت المقدس کی حرمت اور مومن کی حرمت ۔

الإمامُ الصّادقُ ع : مَـن عَـظّمَ دِينَ الله عظّمَ حقَّ إخْوانِهِ ، ومَنِ اسْتَخَفَّ بدِينهِ اسْتَخَفَّ بإخْوانِهِ.(بحارالانوار : ۷۴ / ۲۸۷ / ۱۳)